🔆放棄工作，走上全職媽媽路🔆

由2015年1月開始，我就下定決心...

🔆放棄工作，走上全職媽媽路🔆

由2015年1月開始，我就下定決心放棄工作，轉做全職媽媽，好多朋友問：值得嗎？我可以講，絕對值得👍🏼👍🏼因為想生小朋友係我同老公既選擇，所以湊小朋友既責任都應該係我地負返。可能好多人會話，你老公搵得錢，你就唔洗做，做少奶奶。我想講，我老公唔係搵好多錢，但我地都覺得唔需要搵好多錢去養個女，因為窮有窮養，貴有貴養，但能力範圍比到個女最好既，我都會盡力去比。

其他一樣我地覺得最好既，就係全職湊佢，比最好既母愛佢，同佢一齊玩，一齊成長，同佢每日都親子時間。湊女就比返工更刺激，因為日日新鮮日日金，小朋友每日都會在轉變，你哩一刻覺得可以了解到佢，佢下一刻又會變，好難捉摸。

好多謝身邊家人支持我做左兩年全職媽媽，黎緊仲要做兩位小朋友既媽媽，希望我唔會累到訓低😭😭到時再同大家分享育兒心得，希望芊嶠到時做個叻叻家姐，唔好扭計，錫哂細佬就夠！

我想講全職媽媽唔易做，唔係朋友眼中既少奶奶，因為如果係少奶奶，咩都唔洗做，但我咩都要做，自己由換片，餵奶，帶佢出街玩，咩都親力親為，所以一定唔係少奶生活🙈🙈但我都好佩服在職媽媽，因為佢地都好少時間對住小朋友，放工辛苦返黎，仲要爭取同小朋友相處時間，真係唔容易！

我相信同小朋友相處既時間好短，所以我會好好珍惜，你問我有冇後悔，我同你地講冇，因為我同芊嶠相處既時間，發生既點滴，都係冇得返轉頭，全部都會記係我心底。再好既工作都可以再搵，但同小朋友既回憶，沒有了，追都追唔返，所以在職媽媽又好，全職媽媽又好，大家都要好好珍惜同小朋友相處哩幾年😘😘

#放棄工作 #在職媽媽 #路不易走 #多謝親人支持 #珍惜

---